فيديو يظهر اعتداءات القوى الأمنية الوحشية على المتظاهرين

فيديو أثناء اعتداء القوى الأمنية على الناشط هادي المنلا وناشطين آخرين أمس
فيديو من البث المباشر لقناة الجديد…
يقول هادي منلا :
“اللي بلشت اتذكره هو عند هجوم القوى الأمنية وحصول هرج ومرج انا تعرقلت بسيارة خاصة كانت واقفة … وعلقت بين سيارة البث المباشر والسيارة الخاصة… وكان في بنت ضعيفة وصغيرة بنفس المطرح ما قدرت أعرف مين هي لأن كان وقع عويناتي وبلشت أفقد التركيز شوي، وكنت عم جرب خلصها من همجية اللي كانوا عم يضربوها بشكل جنوني… ما بعرف كيف رجعت شفت هالبنت إدام وعلى الأرض متل ما مبين بآخر الفيديو…
بعدها كفى عناصر الأمن ضربي بالمكان الضيق متل ما ظاهر بالفيديو بين سيارة النقل المباشر والسيارة الخاصة… وكفوا عليي حتى بعد ما صرت أقرب للاوتوستراد…
اللي يثير الشكوك… ليه بدو يكون في حوالي سبع عناصر عم يضربوا شخص واحد؟ وليه بدو يجي عنصر من بعيد كمان ويطرقني ضربة؟ اذا المقصود ابعادي.. فأنا عملياً كنت بعيد.. وواضح أديش كاميرا الجديد برمت لتقدر تلقطني… ولكن يبدو الهدف هو الأذية ولأشخاص معينين مرصودين من القوى الأمنية وأجهزة المخابرات بهدف ” تربيتهم” وترهيبهم…ولولا العنصر الادمي اللي أتدخل ومنعهم يكفوا أذية يمكن كنت متضرر اكتر…
هيدا موضوع مش رح اسكت عنه… ورح احكي مع الأصدقاء المحامين ليشوفوا شو ممكن ينعمل”…

الوسوم

مقالات ذات صلة

إغلاق
إغلاق